Vegetarier
von Benjamin Bächle
Wa wär au s’ Lebe ohne Fleisch,
ganz ohne Schnitzel oder Steak,
für dr Fall, dass du des nonit weisch,
s git Lütt, die gön en fleischlose Weg!
Normal nimmt ma e Wurscht zum Brot,
Wurscht vom Viich, kein Tofu-Fraß,
Tofu-Wurscht schmeckt eh nach Kot,
doch manche esset des mit Spaß.
Nu Gurke. Schnittlauch, Sellerii,
kein Schpeck und au kein Feschtdagsbrote,
statt Fleischküchle nu Brokkoli,
wie cha ma nu i so was grote?
Guet, ma muen baar Viecher schlachte,
selle findet des viillicht it so toll,
keim Diirli will ich nach m Lebe trachte,
doch vodelli, Fleisch schmeckt voll!
I dr Natur düen sie s üs glich,
s wird gjaget, tötet, gesse,
s' eine Viich frisst s' ander Viich,
d' Pflanzefresser kansch vogesse!
S' Einzig wa mi wirklich schlucht
isch di ubachene Masseschlachtung.
Ma nimmt sich it nu, wa ma brucht,
ma hät überhaupt kei Achtung!
D' Tierhaltung isch allgemein weng lau,
ma pfercht und quält die Diirli nur,
eigentlich isch s unter aller Sau,
viilicht kauft ma s Fleisch lieber bim Bur!
En Vegetarier ganz tief im Herz,
sel bin ich, s liegt ma im Blut,
doch isch s vom Lebe halt en Scherz,
dass Fleisch so urig schmecke duet.